ओलीले अमेरिकी राजदूतललाई यस्तो जवाफ दिए



काठमाडौँ, पुस ५

नेपालका लागि अमेरिकी राजदूत अलाइना बी टेप्लिजले प्रमुख प्रतिपक्ष दलका नेता एमाले अध्यक्ष केपी ओलीलाई भेटेर संविधान संशोधन प्रस्तावको विरोध गर्नुपर्ने कारणबारे चासो राखेकी छन् । ओलीले यो नेपालको आन्तरिक विषय भएको भन्दै अनावश्यक चासो नदिन ध्यानाकर्षण गराएका छन् ।

सरकारले ल्याएको संविधान संशोधन प्रस्तावको विरोध भइरहेका बेला राजदूत टेप्लिज मंगलबार ओलीलाई भेट्न सिंहदरबारस्थित एमाले संसदीय दलको कार्यालयमा पुगेकी थिइन् । भेटमा राजदूत टेप्लिजले संविधान संशोधन प्रस्तावको विरोधमा संसद अवरुद्ध भइरहेकोतर्फ अध्यक्ष ओलीको ध्यानाकर्षण गराएको भेटपछि एमाले संसदीय दलका उपनेता सुवास नेम्वाङले जानकारी दिए ।

राजदूतले संविधान संशोधन प्रस्तावको विरोध गर्नुको कारणबारे चासो व्यक्त गरेको भेटमा सहभागी एमाले संसदीय दलका उपनेता सुवास नेम्वाङले जानकारी दिए । उनका अनुसार नेपालको समस्या नेपालीहरुले नै मिलेर समाधान गर्न समक्ष रहेकोतर्फ ओलीले राजदूत टेप्लिजलाई सचेत गराएका थिए ।

भेटमा अध्यक्ष ओलीले संविधान संशोधन प्रस्ताव जनता र राष्ट्रको हितविपरित आएकाले विरोध गर्नुपरेको बताएको नेम्वाङले जानकारी दिए । संविधान कार्यान्वयनका लागि आफूहरु प्रतिवद्ध रहेको दोहोर्‍याउँदै अध्यक्ष ओलीले संविधान संशोधनको पक्षमा भने जान नसकिने प्रष्टयाएका थिए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News