निशा र सिमोसले के गर्दै छन् लमजुङको घलेगाउँमा!
काठमाडौं, पुस ११
निर्माताहरुको बिगबिगी रहेको नेपाली फिल्म जगतमा पछिल्लो समय निर्मात्री बन्ने क्रम पनि बढेको छ ।
झरना थापादेखि रेखा थापासम्मले चलचित्र निर्माण गरिसकेका अर्थात निर्मात्री भइसकेकी छन् ।
अब, नायिका नीशा अधिकारी पनि निर्मात्री बन्ने तयारीमा जुटेकी छन् । उनले निर्माण गर्न लागेको अनटाइटल प्रोजेक्टका लागि अहिले लोकेशन खोज्ने काम भैरहेको छ ।
उनले निर्माण गर्न लागेको चलचित्रलाई सिमोस सुनवारले निर्देशन गर्नेछन् भने नीशा र सिमोस दुबैको लगानी रहेकोछ ।
लम्जुङको घले गाउँमा अहिले निशा र सिमोसले लोकेशनन खोजिरहेका छन् ।
चलचित्रमा आफू क्रियटिभ डिरेक्टरको रुपमा प्रस्तुत हुन लागेको बताउँदै अहिले आफुले मिहिनेत गरिरहेको नीशाले बताइन् । तर, चलचित्रको बारेमा विस्तृत जानकारी भने पत्रकार सम्मेलनमार्फत सार्वजनिक गर्ने निशाको भनाई छ ।
प्रकाशित मिति: ११ पुस २०७३, सोमबार
