अब चिसो कम हुँदै जाने : मौसमविद
काठमाडौं, माघ ७
माघ महिना सुरु भएसँगै बढेको चिसो कम हुन थालेको छ । अघिल्ला वर्षहरुको तुलनामा यसवर्ष माघको सुरुमै चिसो कम हुन थालेको हो।
अब पहिलेको जसरी चिसो नहुने मौसमविद् सुजन सुवेदीले बताए । उनका अनुसार ठूलो पानी पार्ने प्रणाली नेपाल प्रवेश गरेमा मात्रै केही दिन चिसो हुन सक्छ । तर तत्काल ठूलो पानी पर्ने सम्भावना पनि नरहेको उनको भनाई छ ।
बिहीबार काठमाडौंको अधिकतम तापक्रम २२ डिग्री सेल्सियस मापन गरिएको थियो । शुक्रबारको अधिकतम तापक्रम पनि त्यसैको हाराहारीमा रहने र न्यूनतम तापक्रम २ डिग्री सेल्सियम मापन गरिएको छ ।
काठमाडौंसहित अरु धेरै ठाउँको तापक्रम पनि विस्तारै बढ्दै गएको र अब चिसो पनि कम हुँदै जाने मौसमविदहरुको भनाई छ ।
प्रकाशित मिति: ७ माघ २०७३, शुक्रबार
