७ महिनामा १ खर्ब २७ अर्बको निर्यात हुँदा आयात झण्डै १० खर्ब

काठमाडौँ । चालु आर्थिक वर्षको ७ महिनाको अवधिमा देशको आयात निर्यातको अवस्था तीव्र असन्तुलित देखिएको छ । भन्सार विभागले सार्वजनिक गरेको तथ्यांकअनुसार चालु आर्थिक वर्षको साउनदेखि माघसम्मको अवधिमा निर्यात १ खर्ब २७ अर्ब देखिएको छ ।

जवकि आयात भने सोही अवधिमा झण्डै १० खर्ब अर्थात ९ अर्ब ८८ अर्ब बराबर देखिएको छ । अघिल्ले आर्थिक वर्षको सोही अवधिमा आयात ८ खर्ब ९७ अर्ब रहेको थियो भने निर्यात ८६ अर्ब थियो ।

विभागका अनुसार आयात व्यापार भने क्रमशः बढ्दै गएको छ। चालू आर्थिक वर्षको ७ महिनाको अवधिमा ९ खर्ब ८८ अर्ब रुपैयाँ बराबरको आयत व्यापार भएको हो। यो गत वर्षको सोही अवधिको तुलनामा १० प्रतिशतले बढी हो।