कोरियन भाषाको परीक्षा मिति सार्वजनिक

काठमाडौं, फागुन २४

रोजगार अनुमति प्रणाली (इपीएस) कोरीयन भाषा परीक्षा आगामी जेठ २७ र २८ गते हुने भएको छ । वैदेशिक रोजगार विभाग इपिएस कोरिया शाखाले आज एक सूचना जारी गर्दै जेठ २७ र २८ को लागि परीक्षा मिति तय गरेको हो ।

उत्पादनमूलक र कृषि तथा पशुपालन गरी दुई क्षेत्रका लागि हुने भाषा परीक्षाका लागि आगामी चैत ९ देखि १८ गतेसम्म आवेदन फाराम बुझाउन सकिनेछ । यसवर्षदेखि आवेदन फाराम अनलाइनमार्फत भर्ने व्यवस्था मिलाइएको छ भने परीक्षामार्फत १०२०० परीक्षार्थी उत्तीर्ण हुनेछन् ।