संविधान संशोधन गरेर संघमा शिक्षकलाई ल्याउने व्यवस्था गर्न कांग्रेस सांसद देवप्रसादको आग्रह
काठमाडौं । नेपाली कांग्रेसका सांसद देवप्रसाद तिमल्सिनाले शिक्षकका मागहरू सम्भव भएसम्म सबै पूरा गरेर विद्यालय फर्काउने वातावरण बनाउन माग गरेका छन् ।
मंगलबार प्रतिनिधि सभाको बैठकमा बोल्दै सांसद तिमल्सिनाले यस्तो माग गरेका हुन् ।
सांसद तिमल्सिनाले शिक्षकका मागहरु पूरा गर्न २ सय ७५ जना सांसद नै तयार रहेको भन्दै तत्काल सबैले हस्ताक्षर गरेर संविधान संशोधन गरेर संघमा शिक्षकलाई ल्याउने व्यवस्था गर्न आग्रह गरे ।
उनले शिक्षकलाई स्थानीय तहमा राख्न नहुने माग संविधान संशोधन गरेर पूरा गर्न तयार हुनुपर्ने बताए ।
प्रकाशित मिति: १६ बैशाख २०८२, मंगलबार
