सरकार र शिक्षक महासंघको सहमतिमा विद्यालय कर्मचारीको असन्तुष्टि

काठमाडौं । नेपाल विद्यालय कर्मचारी परिषद्ले सरकार र शिक्षक महासंघबीच बुधबार भएको सहमतिमा असन्तुष्टि जनाएको छ ।
ऐन लिएर मात्रै बिद्यालय फर्किने अडान लिएर देशभरबाट शिक्षक कर्मचारी काठमाडौं आएका थिए । तर, ऐन बिना नै सहमति भएपछि शिक्षकहरूले महासंघको विरोध जनाएका हुन् ।

नेपाल विद्यालय कर्मचारी परिषद्ले निकालेको विज्ञप्तिमा भनिएको छ ,‘ सरकार र नेपाल शिक्षक महासंघबीच भएको वार्ता र फिर्ता गरिएको आन्दोलनको कार्यक्रमको विषयमा नेपाल विद्यालय कर्मचारी परिषद्, राष्ट्रिय समितिको पूर्णरूपमा असहमति रहेको व्यहोरा सबैमा जानकारी गराउँदै नेपाल विद्यालय कर्मचारी परिषद्को संस्थागत धारणा बाहेकको सहमतिको घोर भत्सर्ना गर्दछौँ ।’