आईसीसीले दियो सात क्रिकेटरलाई ‘हल अफ फेम’ सम्मान

काठमाडौँ, जेठ २७ । अन्तर्राष्ट्रिय क्रिकेट परिषद् (आईसीसी) ले क्रिकेट विकासमा योगदान दिएका विभिन्न देशका सात जना खेलाडीलाई ‘हल अफ फेम’को सम्मान दिएको छ । जसमा पाँच पुरुष र दुई महिला गरी सात क्रिकेटरलाई ’हल अफ फेम’ मा समावेश गरेको छ ।

आईसीसीले भारतीय पुर्व कप्तान महेन्द्र सिंह धोनी, अष्ट्रेलियाका म्याथ्यू हेडेन, दक्षिण अफ्रिकाका हाशिम अमला दक्षिण अफ्रिकाकै ग्रीम स्मिथ र न्यूजील्याण्डका डेनियल भेटोरीलाई ’हल अफ फेम’ मा समावेश गरेर सम्मान गरेको छ ।

त्यस्तै महिला क्रिकेटरमा पाकिस्तानकी साना मिर र इङ्गल्याण्डकी सारा टेलरलाई हल अफ फेम’ सम्मानको सूचीमा समावेश गरिएको छ ।

आइसीसीले सन् २००९ को जनवरीमा क्रिकेटमा खेलाडीहरुले गरेको योगदानलाई सम्मान गर्न हल अफ फेमको सुरुवात गरेको थियो । हरेक वर्ष आइसीसी अवार्ड घोषणा गर्दा हल अफ फेममा समावेश हुने खेलाडीको सुची जारी गर्ने गरेको छ ।

यस सूचीमा अहिलेसम्म इङल्याण्डका धेरै ३४ खेलाडी रहेका छन् भने अस्ट्रेलियाका ३०, वेस्टइन्डिजका २१, भारतका ११, दक्षिण अफ्रीकाका ९, पाकिस्तानका ८, न्युजील्याण्ड र श्रीलंका ४–४ र जिमब्बेका एक गरि कुल १२२ खेलाडीले अहिलेसम्म आइसीसीको ’हाल अफ फेम’ सम्मान पाएका छन् ।