टेक्सस बाढीमा मृत्यु हुनेको संख्या ५० पुग्यो, २७ किशोरी बेपत्ता

एजेन्सी । अमेरिकाको टेक्ससमा ‘आकस्मिक’ बाढीमा परी मृत्यु हुनेको संख्या कम्तीमा ५० पुगेको छ ।

केर काउन्टीमा मात्र ४३ जनाको मृत्यु भएको छ भने ट्राभिसमा चार र बर्नेट काउन्टीमा तीन जनाको मृत्यु भएको हो ।

ज्यान गुमाएका मध्ये १५ बालबालिका हुन् । बाढीबाट केर काउन्टीमा २८ वयस्क र १५ बालबालिकाको मृत्यु भएको त्यहाँकी प्रहरी अधिकारी ल्यारी एल लिथाले बताइन् ।

त्यहाँ बेपत्ता रहेकामा २७ किशोरी पनि छन् । उनीहरू एक ग्रीष्मकालीन शिविरमा सहभागी थिए ।

प्रहरी अधिकारी लिथाले सबै मानिस नभेटिएसम्म खोजी अभियान जारी राखिने बताइन् ।