जनमत पार्टी विभाजनविरुद्ध सर्वोच्चमा सीके राउतको रिट

काठमाडौं । जनमत पार्टी विभाजनविरुद्ध अध्यक्ष डा. सीके राउतले सर्वोच्च अदालतमा रिट दायर गरेका छन् ।

जनमतका अध्यक्ष राउतले राजनीतिक दलसम्बन्धि ऐन निष्क्रिय भएको समयमा दल विभाजन नै हुन नसक्ने भन्दै रिट दायर गरेका हुन् ।

दायर मुद्दामाथि शुक्रबार पेशी तोकिएको सर्वोच्च अदालतका प्रवक्ता समेत रहेका सह(रजिष्ट्रार अर्जुनप्रसाद कोइरालाले जानकारी दिए ।

जनमतका तत्कालीन उपाध्यक्ष रहेका दीपककुमार साहसहितले जनमत पार्टी फुटाएर १४ जना केन्द्रीय समितिका पदाधिकारी तथा सदस्यलाई फुटाएर जनस्वराज पार्टी निर्वाचन आयोगमा दर्ता गरिसकेका छन् ।

आयोगले दल दर्ता भएको प्रमाणपत्र समेत दिइसकेको छ ।