अस्ट्रेलियामा पूर्व सांसदलाई ५ वर्षभन्दा बढी जेल सजाय

क्यानबेर्रा । अस्ट्रेलियाली सांसद ग्यारेथ वार्डलाई ५ वर्ष ९ महिनाको जेल सजाय सुनाइएको छ । कामको क्रममा भेटेका दुई युवाहरूलाई यौन दुर्व्यवहार गरेको आरोपमा उनलाई जेल सजाय सुनाइएकाे हाे ।

४४ वर्षीय वार्ड जुलाईदेखि जेलमा छन् ।

उनलाई सन् २०१३ र २०१५ मा दुई छुट्टाछुट्टै घटनामा एक युवकलाई बलात्कार गरेको र अर्कोसँग अश्लील कार्य गरेकोमा दोषी ठहर गरिएको हो । वार्डले सन् २०११ देखि न्यु साउथ वेल्सको तटीय सहर कियामाको प्रतिनिधित्व गर्थे । २०२१ मा आरोप लागेपछि उनले मन्त्री पदबाट राजीनामा दिए, तर सांसद रहेका थिए । सन् २०२३ मा उनी पुनः निर्वाचित पनि भएका थिए ।

वार्डलाई सजाय सुनाउने न्यायाधीश कारा सिड एससीले यस मुद्दामा कारावास बाहेक अरू कुनै सजाय उपयुक्त नभएको बताएकी छिन् । वार्ड भिडियो लिङ्कमार्फत पर्रामता जिल्ला अदालतमा पेस भएका थिए । कम्तीमा पनि ३ वर्ष ९ महिना उनले जेलमै बिताउनुपर्नेछ ।