कहिलेसम्म बन्द रहन्छ दिल्लीस्थित लाल किल्ला मेट्रो स्टेसन ?

नयाँ दिल्ली । दिल्ली मेट्रो रेल कर्पोरेसन (डीएमआरसी) ले लाल किल्ला मेट्रो स्टेसन हाललाई बन्दै रहने घोषणा गरेको छ । सोमबार स्टेसन नजिकै कार बम विस्फोट भएपछि यो बन्द गरिएको थियो ।
‘सुरक्षा कारणहरूले गर्दा, लाल किल्ला मेट्रो स्टेसन अर्को सूचना जारी नहुँदा सम्मका लागि बन्द रहनेछ । अन्य सबै स्टेसनहरू सामान्य रूपमा सञ्चालन हुनेछन्’ इन्स्टाग्राममा पोस्टमा डीएमआरसीले भनेको छ ।

सोमबार भएको कार बम विस्फोटमा कम्तीमा आठ जनाको मृत्यु भएको छ र धेरै जना घाइते भएका छन् । भारत सरकारले बुधवार एक विज्ञप्ति जारी गर्दै यसलाई ‘घृणित आतङ्कवादी घटना भनेको छ ।

केन्द्रीय मन्त्रिपरिषद्ले घटनासँग सम्बन्धित प्रस्ताव पनि पारित गरेको छ ।