सुनसरीमा आगलागी, २७ घर जलेर नष्ट

इटहरी, चैत्र २७

सुनसरीको बराह नगरपालिका– ९ राजाबासमा आगलागी हुँदा २७ वटा घर जलेर नष्ट भएको छ । स्थानीयवासी रविन घिमिरेका अनुसार सो क्षेत्रमा आगो फैलिँदै गएको छ ।

सदरमुकाम इनरुवा, इटहरी र धरानबाट मगाइएको दमकलको सहयोगमा आगो निभाउने काम भइरहेको छ ।

आगो बस्तीमा फैलने क्रम बढ्दै गएपछि स्थानीयवासी त्रसित बनेका छन् । आगो फैलन नदिन स्थानीयवासी र प्रहरीले समेत प्रयास गरिरहेका छन् । रासस