कस्तो रहला आज देशभरको मौसम ?
काठमाडौँ, मंसिर १९ । जल तथा मौसम पूर्वानुमान महाशाखाका अनुसार हाल देशभर कुनै उल्लेखनीय मौसम प्रणालीको प्रभाव छैन ।
आज दिउँसो कोशी, गण्डकी र कर्णाली प्रदेशका पहाडी भू–भागमा आंशिक बदली रही बाँकी भागमा मौसम मुख्यतया सफा रहने छ ।
त्यसैगरी, आज राति सुदूरपश्चिम र कर्णालीमा आंशिक बदली हुने महाशाखाले जनाएको छ ।
काठमाडौँ उपत्यकामा आज बिहानको न्यूनतम तापक्रम ९ डिग्री सेल्सियस मापन गरिएको थियो भने अधिकतम तापक्रम १८ देखि २० डिग्री सेल्सियसबीच रहने अनुमान गरिएको छ ।
प्रकाशित मिति: १९ मंसिर २०८२, शुक्रबार
