हिजो घटेको सुनको मूल्य आज ८ सयले बढ्यो

काठमाडौं। नेपाली बजारमा शुक्रबार सुनको मूल्य सामान्य बढेको छ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला ८ सय रुपैयाँले बढेर २ लाख ७९ हजार एक सय रुपैयाँमा कारोबार भइरहेको छ।

यसअघि बिहीबार भने सुनको मूल्य प्रतितोला २ लाख ७८ हजार ३ सय रुपैयाँमा कारोबार भएको थियो।

त्यस्तै, आज चाँदीको मूल्य भने घटेको छ। आज चाँदीको मूल्य प्रतितोलामा ५५ रुपैयाँ घटेर चार हजार १८० रुपैयाँमा कारोबार भइरहेको छ।

बिहीबार भने चाँदीको मूल्य प्रतितोला चार हजार २३५ रुपैयाँमा कारोबार भएको थियो।