काठमाडौँको तारकेश्वरमा साढे ५ लाख बराबरको धनमाल चोरी

काठमाडौँ । काठमाडौँको तारकेश्वर नगरपालिका–७ जयन्तिपुर सुन्दर बस्तीमा बुधबार साँझ एक डेरामा चोरी भएको छ।

धादिङ नेत्रावती गाउँपालिका–१ घर भई हाल तारकेश्वरमा डेरा गरी बस्ने ५० वर्षीय मनबहादुर गुरूङको कोठाबाट सुनका विभिन्न गरगहनासहित करिब ५ लाख ५३ हजार रूपैयाँ बराबरको धनमाल चोरी भएको हो।

प्रहरीका अनुसार चोरीमा संलग्न व्यक्तिहरू हाल फरार छन्। फरार व्यक्तिहरूको खोजीका साथै घटनाको सम्बन्धमा प्रहरीले आवश्यक अनुसन्धान अगाडि बढाएको छ।