‘द राजा साब’ले नेपालमा कति कमायो ?

मुम्बई । सुपरस्टार प्रभासको फिल्म ‘द राजा साब’ले विश्वभर सोचेजस्तो व्यवसाय गर्न सकेको छैन, त्यसको प्रभाव नेपालमा पनि परेको छ ।

फिल्मले नेपालमा अहिलेसम्म डेढ करोड बढी मात्र व्यवसाय गर्न सफल भएको छ । गत ९ जनवरीदेखि प्रदर्शनमा आएको यो फिल्मले नेपालमा अहिलेसम्म १ करोड ६२ लाख, ६४ हजार ५६२ ग्रस कलेक्सन गर्न सफल भएको हो ।

चलचित्र विकास बोर्डले सोमबार सार्वजनिक गरेका बक्स अफिस रिपोर्टमा फिल्मको टिकट भने ५० हजार ४२४ बिक्री भएको उल्लेख छ ।

मारुतीद्वारा निर्देशित फिल्ममा प्रभासको अलवा सञ्जय दत्त, जरीना वहाब, मालविका मोहनन, निधि अग्रवाल र रिद्धि कुमारको मुख्य भूमिका छ । प्रभास यस फिल्ममा ‘राजा साब’को भूमिकामा देखिएका छन् । यो फिल्म हिन्दी, तेलुगु, तमिल, कन्नड र मलयालम गरी पाँच भाषामा विश्वभर रिलिज भएको छ ।