रास्वपाले तोक्यो सांसद र मन्त्रीका लागि मासिक लेबी, कसको कति ?
काठमाडौं । राष्ट्रिय स्वतन्त्र पार्टीले आफ्ना मन्त्री र सांसदहरूका लेबी तोकेको छ ।
बिहीबार सिंहदरबारमा बसेको संसदीय दलको बैठकले उक्त लेबी दर निर्धारण गरेको हो ।
पार्टीका मुख्य सचेतक कवीन्द्र बुर्लाकोटीका अनुसार सांसदहरूका लागि मासिक १६ हजार ५०० रुपैयाँ तथा मन्त्रीहरूका लागि १८ हजार रुपैयाँ लेबी तोकिएको छ ।
त्यसैगरी स्वकीय सचिवालयसँग सम्बन्धित व्यक्तिहरूका लागि पनि मासिक २ हजार रुपैयाँ लेबी तोक्ने निर्णय गरिएको छ ।
हाल यो व्यवस्था मन्त्रीका स्वकीय सचिवका हकमा लागू हुने जनाइएको छ ।
मुख्य सचेतक बुर्लाकोटीले भविष्यमा सांसदहरूले स्वकीय सचिव नियुक्त गर्ने व्यवस्था कार्यान्वयन भएमा उनीहरूका स्वकीयलाई समेत सोही दरअनुसार लेबी तिर्नुपर्ने व्यवस्था हुने बताए ।
अहिले सांसदहरुले स्वकीय राख्न पाउने वा नपाउने भन्ने विषयमा छलफल जारी रहेको छ ।
प्रकाशित मिति: ३ बैशाख २०८३, बिहिबार
