बालेन नआएको रिसमा हर्क साम्पाङले गरे संसद बैठक बहिस्कार
काठमाडौं । आगामी आर्थिक वर्षको नीति तथा कार्यक्रमको जवाफ दिन प्रधानमन्त्री बालेन शाह संसदमा उपस्थित नभएको भन्दै श्रम संस्कृति पार्टीका अध्यक्ष एवं सांसद हर्क साम्पाङले बैठक नै बहिस्कार गरेका छन् ।
सो पार्टीका अध्यक्ष साम्पाङसहितका सांसदहरू अहिले बैठक छाडेर बाहिरिएका छन् ।
आगामी आर्थिक वर्षको नीति तथा कार्यक्रमको जवाफमा उपस्थित नभएको भन्दै विपक्षीहरूले राजीनामा माग गरेका हुन् ।
आजबाट नीति तथा कार्यक्रममाथि छलफल थाल्ने कार्यसूची छ । जसमा प्रधानमन्त्रीले दिनुपर्ने जवाफ अर्थमन्त्री डा. स्वर्णिम वाग्लेले दिन लागेपछि विपक्षीले अवरोध गरेका हुन् ।
उनीहरूले अहिले प्रधानमन्त्रीको खोजी गर्दै विरोध गरेका हुन् ।
सभामुख डीपी अर्यालले पटक–पटक सदन अवरोध नगर्न आग्रह गर्दा पनि विपक्षी दलका सांसदहरुले नटेरेपछि १५ मिनेटका लागि संसद बैठक नै स्थगित गरिएको छ ।
प्रकाशित मिति: ३० बैशाख २०८३, बुधबार
