इजरायलद्वारा इरानको पेट्रोकेमिकल केन्द्रमा आक्रमण
तेल अभिभ । इजरायली सेनाले इरानको दक्षिणपश्चिमी क्षेत्रमा रहेको एउटा महत्वपूर्ण पेट्रोकेमिकल केन्द्रमा हवाई आक्रमण गरेको छ । महशहरस्थित पेट्रोकेमिकल परिसरका धेरै लक्ष्यहरूमा आक्रमण गरिएको इजरायली रक्षा बल (आईडीएफ)ले जनाएको छ । उक्त क्षेत्र फारसी खाडीको उत्तरी तट नजिक अवस्थित छ ।
आक्रमण भएको पुष्टि आईडीएफ र इरानी सरकारी सञ्चारमाध्यम दुवैले गरेका छन् । इरानी सञ्चारमाध्यमहरूका अनुसार आक्रमणका कारण परिसरको केही भागमा क्षति पुगेको छ ।
हालसम्म क्षतिको पूर्ण विवरण सार्वजनिक गरिएको छैन । इरानी पक्षले भौतिक क्षति तथा सम्भावित मानवीय हताहतीबारे थप जानकारी पछि सार्वजनिक गरिने जनाएको छ ।
प्रकाशित मिति: २५ जेष्ठ २०८३, सोमबार
