सम्पत्ति छानबिन गर्नुपर्छ भनेर मैले सदन र पार्टीमा विषय उठाएको हुँ, त्यसमा अहिले पनि अडिग छु : जनार्दन
पूर्वअर्थमन्त्री जनार्दन शर्माले आफ्नो सम्पत्ति छानबिन हुनुपर्ने पक्षमा आफू पहिलेदेखि नै रहेको बताएका छन् ।
आफूलाई पक्राउ गर्ने तयारी भइरहेको चर्चा चलेपछि शर्माले सामाजिक सञ्जालमार्फत प्रतिक्रिया दिँदै आफू त्यसमा अहिले पनि अडिग रहेको बताएका हुन् ।
तर, सरोकार नै नभएको विषयमा भ्रम सिर्जना गर्ने उद्देश्यले मिडिया ट्रायल गरिएको भन्दै उनले दुःख व्यक्त गरेका छन् । ‘साथीहरू, सम्पत्ति छानबिन गर्नुपर्छ भनेर मैले सदन र पार्टीमा पनि विषय उठाएको हुँ। त्यसमा म अहिले पनि अडिग छु,’ उनले लेखेका छन्, ‘तर, सरोकार नै नभएको विषय बनाई भ्रम सिर्जना गर्ने उद्देश्य राखेर गरिने मिडिया ट्रायलप्रति दुःख व्यक्त गर्दछु।’
प्रकाशित मिति: ९ असार २०८३, मंगलबार
