गोलभेँडा फ्याँकेर माइतीघरमा प्रदर्शन, बिचौलिया हटाउन माग

काठमाडौं । उत्पादनको उचित मूल्य नपाएको भन्दै किसानहरुले माइतीघरमा गोलभेँडा फ्याँकेर प्रदर्शन गरेका छन् ।

आज माइतीघर मण्डला क्षेत्रमा भेला भएका किसानहरुले गोलभेँडा पोख्दै प्रदर्शन गरेका हुन् ।

प्रदर्शनका क्रममा उनीहरुले उचित मूल्य नपाएको र बिचौलिया हटाउन माग गरेका थिए ।

उनीहरुले गोलभेँडा तथा अन्य तरकारीको न्यूनतम समर्थन मूल्य मूल्य तोक, कृषि बिमा लागू गर लगायत नारा लेखिएका प्लेकार्ड प्रदर्शन गरेका थिए ।

प्रदर्शनकारीहरुले विचौलिया हावी हूँदा गोलभेँडाको मूल्य नपाएको बताएका थिए ।