सोलुखुम्बु, जेठ १४
शनिबार लुक्लामा दुर्घटना भएको गोमा एयरका को–पाइलट (सहचालक) सुजन मानन्धरको पनि राति निधन भएको छ ।

लुक्लास्थित पासाङल्हामु निकोलनिकि अस्पतालमा उपचारको क्रममा राति निधन भएको अस्पतालले जनाएको छ ।

घाइते विमान परिचारिका प्रज्ञा महर्जनलाई उपचारको लागि राजधानीस्थित ग्रान्डी अस्पताल पठाइएको छ ।

चालक पारस कुमार राई र सहचालक सुजन मानन्धरको मृत शव बिहान एयर डाइनेस्टीको हेलिकप्टरबाट राजधानी पठाएको प्रहरीले जनाएको छ ।

९ एन ए के वाइ कल साइन भएको जहाज शनिबार दिउँसो २ बजे काठमाडौँबाट कार्गो उडान भरेर लुक्ला आएको बिमान अबतरण गर्नु अघि धावन मार्ग छेवैमा रहेको सल्लाको रुखमा ठोक्किएर दुर्घटना भएको थियो ।

तस्बिरः डिसी नेपाल

प्रकाशित मिति: १४ जेष्ठ २०७४, आइतबार