बेपत्ता किशोरी अझै फेला परिनन्
बैतडी, भदौ १५
चमेलिया नदीमा बेपत्ता भएकी एक किशोरी नौदिनसम्म पनि फेला पर्न सकेकी छैनन् ।
भदौ ७ गते बिहान ८ बजेतिर बैतडीको डिलाशैनी गाउँपालिका वडा नं २ कँडै बस्ने १७ वर्षीया सुनिता दमाईं चमेलिया नदीमा बेपत्ता भएकी हुन् ।
घरबाट पसल खोल्न जान्छु भनेर हिँडेकी सुनिता एक्कासि चमेलिया नदीमा बेपत्ता भएको खबर आएको थियो । बेपत्ता किशोरीको खोजी कार्य जारी रहेको भएपनि हालसम्म फेला नपरेकी जिल्ला प्रहरी कार्यालय, बैतडीले जनाएको छ । रासस
प्रकाशित मिति: १५ भाद्र २०७४, बिहिबार
