ओखलढुंगाका समाजसेवीद्वारा खोटाङको विद्यालयमा अक्षयकोष



खोटाङ, असोज २४
ओखलढुंगाका समाजसेवी मानबहादुर राईले खोटाङको विद्यालयमा अक्षयकोष स्थापनाका लागि रकम प्रदान गरेका छन् ।

ओखलढुंगाको मानेभञ्ज्याङ गाउँपालिका–१ का राईले खोटाङको हलेसी तुवाचुङ नगरपालिका–१ बाहुनीडाँडा जयरामघाटमा सञ्चालित दूधकोशी आधारभूत विद्यालयमा अक्षयकोष स्थापनाका लागि नगद एक लाख प्रदान गरेका हुन् ।

बाल्यकालमा सोही विद्यालयमा अध्ययन गरेका राईले आइतबार विद्यालय व्यवस्थापन समितिका अध्यक्ष भविलाल राईलाई नगद हस्तान्तरण गरेको विद्यालयले जनाएको छ ।

प्राप्त रकम राष्ट्रिय वाणिज्य बैंकमा खाता खोलेर जम्मा गरिने र ब्याजबाट आएको रकमले विद्यालयमा अध्ययनरत छात्राछात्रलाई वार्षिकरुपमा छात्रवृत्ति प्रदान गरिने विद्यालयले जनाएको छ ।

रकम हस्तान्तरण कार्यक्रममा राष्ट्रिय गानका सर्जक प्रदीपकुमार राई (ब्याकुल माइला), हलेसी तुवाचुङ नगरपालिका प्रमुख इवन राई र उपप्रमुख विमला राईलगायतको उपस्थिति थियो ।

जिल्लाको पश्चिमी क्षेत्रमा पर्ने जयरामघाटस्थित उक्त विद्यालयमा राज्यको नजर नपुगेको स्थानीयवासीले गुनासो गरेका छन् ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News