ट्र्याक्टर पल्टिँदा चालकको मृत्यु
लहान, माघ १७
सिराहाको अर्नामा गाउँपालिका–३, बन्ठियास्थित सडकमा गएराति ट्र्याक्टर अनियन्त्रित भई पल्टिँदा चालकको मृत्यु भएको छ ।
स १ त ५१३७ नंको ट्र्याक्टर आफैँ अनियन्त्रित भई पल्टिँदा ट्र्याक्टर चालक सोही गाउँपालिका–४ निवासी १७ वर्षीय जितेन्द्र मण्डलको घटनास्थलमा नै मृत्यु भएको प्रहरीले जनाएको छ । ट्र्याक्टर पल्टिँदा मण्डलको मृत्यु भएको प्रहरीको भनाइ छ । रासस
प्रकाशित मिति: १७ माघ २०७४, बुधबार
