फोरमले मन्त्रीको नाम आज टुंगो लगाउँदै



काठमाडौं, जेठ १७

संघीय समाजवादी फोरमले आफ्नो भागमा परेका २ जना मन्त्री र एक राज्यमन्त्रीको नाम आज टुंगो लगाउनसक्ने सम्भावना बढेको छ ।
केन्द्रीय कार्यसम्पादन समितिको बैठकले मन्त्री बन्नेको नाम टुंगो लगाउने जिम्मा अध्यक्ष उपेन्द्र यादवलाई दिएकाले उहाँले केही नेताहरुसँग परामर्श गरेर नाम टुंगो लगाउने फोरमका नेताहरुले जानकारी दिएका छन् ।

अध्यक्ष यादवले नामका बारेमा आन्तरिक गृहकार्य र परामर्श गरिरहेको पनि नेताहरुले बताएका छन् । फोरमले स्वास्थ्य मन्त्रालय र शहरी विकास मन्त्रालयमा दुईजना मन्त्री र एकजना राज्यमन्त्री पाएको छ । मन्त्री बन्नेको सूचिमा नेताहरु रामसहाय यादव, मोहम्मद इस्तियाक राइन, रेणुकुमारी यादव, राजेन्द्र श्रेष्ठलगायतको नाम चर्चामा छ ।

पार्टीभित्र मन्त्री चयन गर्ने कुरामा कुनै विवाद नरहेको र अध्यक्षले उचित निर्णय गर्ने नेता श्रेष्ठले जानकारी दिनुभयो । यसअघि नै उपप्रधानमन्त्री तथा परराष्ट्र मन्त्री बनिसकेकाले अध्यक्ष यादव मन्त्री बन्ने सम्भावना नरहेको नेताहरुको भनाई छ ।

 

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News