वर्तमान नेतृत्वबाट पार्टी बलियो हुन सक्दैन : नेता रिजाल



झापा, कात्तिक २८

नेपाली कांग्रेसका केन्द्रीय सदस्य डाक्टर मिनेन्द्र रिजालले कांगे्रसको वर्तमान नेतृत्वबाट पार्टी बलियो हुन नसक्ने जिकीर गर्नुभएको छ ।
कांग्रेसलाई अव वलियो वनाउन सभापति शेरवहादुर देउवा , वरिष्ठ नेता रामचन्द्र पौडेल लगायतका पाका नेताहरुले नेतृत्व गर्न नहुने उहाँको भनाई थियो ।

नेपाल प्रेस यूनियन झापा माईपश्चिम क्षेत्रीय समितिले आज दमकमा आयोजना गरेको पत्रकार सम्मेलनमा बोल्दै पूर्वमन्त्री समेत रहेका नेता रिजालले कांग्रेसमा देखिएको स्थायी गुटले पार्टीलाई कमजोर बनाउने बताउनुभयो । उहाँले महाधिबेशनमा पार्टी भित्र विभिन्न गुट सृजना देखिएपनि त्यसले स्थायी आकार पाउनु राम्रो नभएको धारणा राख्नुभएको थियो ।

गएको तीनै तहको निर्वाचनमा पार्टी खुम्चिनु लोकतन्त्रमा स्वाभाविक भएको भन्दै उहाँले यहि परिणाम सधै एकैनास नहुने भएकाले कांग्रेसका हरेक कार्यकर्ताहरुमा जिम्मेवारी वोध हुनुपर्ने औल्याउनुभयो । उहाँले कांग्रेसको घोषित महासमिति बैठक पार्टीहितका लागि भएको भन्दै त्यो कुनै हालतमा सर्न नहुने बताउनुभयो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News