बाबुराजा ओझा काँग्रेसमा फर्किए



मोरङ, मंसिर २

२२ वर्ष नेपाली कांग्रेसमा राजनीति गरेर तत्कालिन नेकपा माओवादीमा जानुभएका बाबुराजा ओझा पुनः नेपाली कांग्रेसमा फर्किनुभएको छ ।
२०७० सालको दोस्रो संबिधानसभा निर्वाचनमा टिकट नपाएपछि उहाँ असन्तुष्टि जनाउदैं माओवादीमा प्रवेश गर्नुभएको थियो ।

सो बेला ओझालाई माओवादीले मोरङ क्षेत्र नम्बर ६ मा पूर्व अर्थमन्त्री तथा कांग्रेस नेता महेश आचार्यसँग प्रतिस्पर्धा गराएको थियो । कांग्रेस छोडेको झण्डै पाँच वर्षपछि नेता ओझा आफ्नो पुरानै घर कांग्रेसमा फर्किनुभएको हो ।

ओझालाई जिपी कोइराला फाउन्डेशनले आज विराटनगरमा आयोजना गरेको कार्यक्रममा महामन्त्री डा. शशांक कोइरालाले टिका लगाएर पार्टीमा प्रबेश गराउनुभयो । कांग्रेस फर्किएका ओझा नेपाली कांग्रेस मोरङका पूर्व जिल्ला सचिव हुनुहुन्छ ।

विराटनगरमा आयोजित कार्यक्रममा उहाँलाई कांग्रेसी नेताहरुले भब्य स्वागत गरेका छन् । ओझाले असन्तुष्टिका कारण माओवादीमा गएपनि आफ्नै घर प्यारो भन्दै त्यो भुललाई क्षमा गर्न आग्रह गर्नुभएको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News