‘स्वच्छ वातावरणको अधिकार सुनिश्चित गरिने’



विराटनगर, पुस १३

प्रदेश नं. १ का मुख्यमन्त्री शेरधन राईले स्वच्छ वातावरणमा बाँच्न पाउने संविधानबाट प्रदत अधिकारलाई प्रदेश सरकारले पनि सुनिश्चित गरिने बताउनुभएको छ ।

राष्ट्रिय मानवअधिकार आयोगद्वारा आज विराटनगरमा आयोजित वातावरण, विकास र मानवअधिकार बिषयक एक दिवसीय कार्यशाला गोष्ठीको उद्घाटन गर्दै उहाँले प्रदेश सरकारले वातावरणमैत्री भएर नै आफ्ना योजना र कार्यक्रम बनाएको प्रष्ट पार्नुभयो । उहाँले वातावरण, विकास र मानवअधिकारबीच सन्तुलन कायम गरिनुपर्नेमा जोड दिनुभयो ।

राष्ट्रिय मानवअधिकार आयोगका सदस्य सुदीप पाठकले अहिलेकै स्थितिमा नेपाल अघि बढे अबका १० वर्षपछि वातावरणको दृष्टिले देशको अवस्था भयावह हुने र यहाँ पानी, जमीन, हावापानी सबै प्रदूषित हुने खतरा रहेकोमा प्रदेश सरकारको ध्यानाकर्षन गराउनुभयो ।

प्रदेश नं १ का मुख्यसचिव केदार न्यौपानेले वातावरण प्रदूषण हुने जोखिम क्षेत्रको पहिचान गरी सुरक्षा र बचावटको कार्य गनुपर्नेमा सजग गराउनुभयो । राष्ट्रिय मानवअधिकार आयोगका उपनिर्देशक लोकनाथ बाँस्तोलाले राजधानी बाहिर सुनसरी र मोरङ औद्योगिक केरिडोरमा वातावरणका विषयमा अनुसन्धान हुनुपर्ने आवश्यकता औँल्याउनुभयो ।

प्रदेश नं १ का मुख्य न्यायाधिवक्ता चूडामणि आचार्यले मानवअधिकार र विकासबीच गहिरो सम्बन्ध भएकाले विकास गर्दा विनाश नहुने दृष्टि पु¥याउनु आवश्यक रहेको बताउनुभयो । प्रा डा शशिकान्त झाले जसरी पनि लाभ आर्जन गर्ने प्रवृत्तिले वातावरणमा अत्यधिक प्रदूषण देखिएको चर्चा गर्नुभयो ।

स्थानीय तह र प्रदेश सकारलाई वातावरणको क्षेत्रमा गम्भीर बन्न र जनप्रतिनिधिबाट प्रतिबद्धता जाहेर गराउने उद्देश्यले सो कार्यक्रम आयोजना गरिएको थियो । रासस

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News