पुस्तकालयलाई सांसदकाे सहयाेग

भाेजपुर, पुस १०

यहाँकाे सिद्देश्वर गाविसस्थित सिद्देश्वर उच्च माविकाे पुस्तकालय सुधारका लागि पूर्व पर्यटन, संस्कृति तथा नागरिक उड्डयन मन्त्री एंव रूपान्तरित ब्यवस्थापिका संसदका सांसद कृपासुर शेर्पाले अार्थिक सहयाेग प्रदान गरेका छन् । बिहिबार क्याम्पस प्रांगणमा निर्मित कृष्णलक्ष्मी कम्प्लेक्समा भएकाे एक कार्यक्रमकाबिच विद्यालय ब्यवस्थापन समितिका अध्यक्ष श्रीबहादुर खड्का र विद्यालयका प्रचार्यलाई ५० हजार नगद शेर्पाले प्रदान गरेका हुन् ।

उनले सांसदकाे तलब भत्ताकाे दुई महिनाकाे रकम विद्यालयलाई प्रदान गरेकाे बताएका छन् । कर र पार्टीलाई बुझाउने रकम कटाएर बाँकी रकम पु्स्तकालय सुधारका लागि प्रदान गरेकाे शेर्पाले कार्यक्रममा बताए । भाेजपुर क्षेत्र नं १ बाट निर्वाचित सभासद भएपछि शेर्पाले तलब भत्ता जिल्लाकाे स्वास्थ्य र शिक्षामा खर्च गर्दे अाएकाे बताएका छन् ।

कार्यक्रममा पूर्व अर्थमन्त्री शंकर प्रसाद काेईराला, सांसादहरू जयन्ती राई र तारा राईकाे उपस्थिति थियाे । त्यस्तै  मन्त्रालयका सह–सचिव, दाँवाली मिलन क्लबका महासचिव राेशन श्रेष्ठ एनअारएन संस्थापक महासचिव भिम उदास, नाेबेल कलेज, हस्पिटलका निर्देशक नवराज पाण्डे, सुरक्षा निकायका प्रमुख, खेलकुद विकास समितिका पदाधिकारी , खेलाडी, शिक्षक, विद्यार्थी र अभिभावकहरूकाे उपस्थिति थियाे।