साफ महिला फुटबल च्याम्पियनसिप : नेपाली टोलीले उपाधि जिते जनही दुई लाख प्रदेश सरकारले दिने



विराटनगर, चैत्र ८
खेलकुदलाई उच्च प्राथमिकतामा राखेको प्रदेश नं १ को प्रदेश सरकारले विराटनगरमा जारी साफ महिला फुटबल च्याम्पियनसिप प्रतियोगितामा नेपाली टोलीले उपाधि हासिल गरे जनही २ लाख नगद दिने निर्णय गरेको छ ।

महिला फुटबल खेलाडीहरुको सम्मान तथा हौसला बढाउने उदेश्यले आज भारतसँग अन्तिम प्रतिस्पर्धा गर्न लागेको नेपाली टोलीले उपाधि हासिल गर्न नसके जनही १ लाख नगद प्राप्त गर्नेछ । यो प्रतियोगिता नेपालमा पहिलो पटक भइरहेको छ ।

अन्तर्राष्ट्रिय महिला फुटबल प्रतियोगिताले प्रदेश नं १ को गौरव बढ्नुका साथै देशकै गौरव बढेको प्रदेश नं का मुख्यमन्त्री शेरधन राईले बताउनुभयो । प्रदेश सरकारले खेलाडीहरुको सम्मान तथा हौसला बढाउन यस्तो निर्णय गरेको प्रदेश १ सरकारका प्रवक्ता आन्तरिक मामिला तथा कानुन मन्त्री हिक्मत कार्कीले बताउनुभयो । आज फाइनल खेल दिउँसो ३ बजे हुँदैछ ।

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2019 Deshko News