वर्ल्ड बैंकको रिपोर्टले देखायो ओली सरकारको सफलता (तथ्यांकसहित)

काठमाडौं, कात्तिक ८

केपी शर्मा ओली नेतृत्वको कम्युनिस्ट सरकारले सफलताउन्मुख रहेको रिपोर्ट विश्व बैंकले सार्वजनिक गरेको छ । विश्व बैंकले नेपालमा व्यवसायको वातावरणमा उल्लेख्य सुधार भएको रिपोर्ट सार्वजनिक गरेको हो । व्यवसाय गर्न सजिलो अथवा अप्ठ्यारो अवस्था बुझाउने डुइङ बिजनेश प्रतिवेदनमा नेपालले उत्साहजनक सुधार गरेको हो । विश्व बैंकले प्रकाशन गर्ने सन् २०२० को प्रतिवेदनमा नेपालले ९४ औं स्थानमा परेको छ । यसअघि एक सय १० औं स्थानमा थियो । यो पटक नेपालले १६ स्थान सुधार गरको छ ।

विश्वका १९० देशहरुमा व्यवसायजन्य नियम कानूनहरूको अवस्थाम अध्ययन गरेर हरेक वर्ष डुइङ बिजनेस प्रतिवेदन प्रकाशन गर्ने गरिन्छ । प्रतिवेदनमा विभिन्न १० सूचक र त्यसभित्र पनि अनेकन उपसूचक का आधारमा व्यवसाय गर्ने वातावरण कस्तो छ भनेर तुलना गर्ने गरिन्छ । प्रतिवेदनका अनुसार नेपालले गत वर्षको तुलनामा निर्माणको अनुमति लिने, ऋण लिने, विदेशमा व्यापार गर्ने तथा करार कार्यन्वयन गर्ने प्रक्रियाहरुमा सुधार गरेको छ ।

व्यवसाय सुरु गर्ने र सम्पत्तिको दर्ता गर्ने प्रक्रिया अझै खराब भएको प्रतिवेदनले उल्लेख गरेको छ । बिजुली जोडने, अल्पसंख्याक लगानीकर्ताको संरक्षण गर्ने, कर तिर्ने र टाट पल्टेको समस्या समाधान गर्ने सम्बन्धी व्यवस्था मा भने कुनै परिवर्तन नभएको प्रतिवेदनले उल्लेख गरेको छ ।

यो प्रतिवेदनलाई अर्थविदहरुले पनि सकारात्मक भनेका छन् । अर्थविद स्वर्णिम वाग्लेले नेपालले सुधार गर्दै लगेको सन्देश गएको र अझै मिहिनेत गर्नुपर्ने बताए ।