टेस्टमा डि ककलाई नेतृत्व दिन अस्वीकार



जोहानेसवर्ग, बैशाख ६ एजेन्सी

दक्षिण अफ्रिकाले विकेटकिपर क्विन्टन डी ककलाई टेष्टको कप्तानी जिम्मेवारी नदिने भएको छ ।

दुई वर्षको लागि स्थायी निर्देशकमा नियुक्त भएका पुर्व कप्तान ग्रिम स्मिथले डी ककले टेष्टको कप्तानी नपाउने प्रष्ट पारेका हुन् ।

सिमित ओभरको क्रिकेटमा कप्तानी सम्हालिरहेका डी ककलाई टेष्टको जिम्मेवारी पनि दिँदा नजितामा निकै चुनौतीपुर्ण हुने स्मिथको बुझाई छ । डी ककले गत जनवरीमा एक दिवसय र टि२० को कप्तानी जिम्मेवारी पाएका थिए । नियमित कप्तान फाफ डु प्लेसिसले गत फागुनमा टेष्ट कप्तानीबाट राजिनामा दिएका थिए । जसले दक्षिण अफ्रिका टेष्ट कप्तानमा पनि डी क को सम्भावना देखिएको थियो ।

दक्षिण अफ्रिकाले टेष्ट सिरिज जुलाई अगष्टमा वेस्ट इन्डिजविरुद्ध खेल्ने छ । जुन विश्वभर महामरीको रुप लिएको कोरोना भाइरसको कारण स्थगित हुने उच्च सम्भावना छ । जसको लागि अफ्रिकालाई कप्तान सोच्ने राम्रो समय छ ।

‘डी कक हाम्रो सेतो बल ९सिमित ओभर० को कप्तान हुँदा टेष्टको हुने छैनन् । डी ककलाई ताजा राख्दै राम्रो खेल्न दिनुपर्छ । तीनै शैलीको कप्तानी बनाउनु चुनौतीपुर्ण छ । व्यक्तिगत अनुभवमा मलाई थाहा छ । तीनै शैलीको कप्तानीले धेरै थकाउछ’ , ग्रिम स्मिथले भनेका छन् ।

वर्ल्ड च्याम्पियनसिपमा प्रतिस्पर्धा गर्ने टोलीमा भारतले विराट कोहली र न्युजिल्यान्डले केन विलियम्सनलाई मात्र एकै कप्तानलाई तीनै शैलीको कप्तानी जिम्मेवारी दिएका छन् । डी ककको कप्तानीमा गत फ्रेबुअरीमा इंग्ल्यान्डसँगको तीन खेलको टि२० सिरिज दक्षिण अफ्रिकाले २–१ ले गुमाएको थियो । तीन खेलको ओडिआई सिरिज १–१ को बराबरीमा सकिएको थियो । अष्ट्रेलियासँगको टि२० सिरिज २–१ ले गुमाएपनि डी ककले ओडिआई सिरिजमा ३–० क्लिनस्वीप गरेका थिए ।

सन् २०१९ मा इंल्यान्डमा भएको एक दिवसिय विश्वकपमा खराब प्रर्दशन गर्दै लिग चरणबाटै बाहिरिएपछि दक्षिण अफ्रिकाले टोली र व्यवस्थापन दुवैमा परिवर्तन गर्दै नयाँ राणनितीका साथ अघि बढेको छ । प्रशिक्षकमा पूर्व विकेटकिपर मार्क वाउचर, निर्देकशमा ग्रिम स्मिथ, सिमित ओभरमा डी कक र टेष्ट नयाँ कप्तान नियुक्त गर्न बाँकी छ। त्यस्तै पछिल्लो समय युवा खेलाडीलाई पनि राम्रो मौका दिएको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News