दिनमा तीन कप चिया पिउँदा यती ठूलो फाइदा !
यदी तपाई चियाको पारखी हुनुहुन्छ भने दिनमा तीन कप चिया खान सुरु गर्नुहोस् । हालै भएको एक शोधमा दिनमा तीन कप चिया (दूध हालेको वा नहालेको) पिएमा फाईदा हुने पत्ता लागेको हो ।
फ्रेर्मिघम स्टेट विश्वविद्यालयका शोधकर्ताहरुले आफ्नो अध्ययनमा दिनमा तीन कप चिया खाएमा रगतमा सुगरको मात्रा नियन्त्रण गर्न र डाइभिटिजको जोखिम कम गर्न फाइदाजनक हुने पत्ता लगाएका हुन् ।
कालो चियामा हुने एन्टीअक्सिडेन्ट्स र प्राकृतिक तत्वले रगतमा ग्लुकोज नियन्त्रण गर्नका लागि फाइदाजनक हुने उनीहरुको निश्कर्ष छ ।
दूध चियाले हानी गर्ने आम धारणा रहेपनि चियामा दूध हाल्दा पनि यसको गुण कायम रहने निश्कर्ष छ ।
शोधका दौरान अमेरिका र जापानका वैज्ञानिकले कालो चियाको तत्व प्रयोगशालामा परीक्षण गरेका थिए ।
शोधकर्ता लीजा स्ट्रीगलले आफ्नो अध्ययनमा मनतातो पानीमा चिया लगाउँदा त्यसबाट निस्किने तत्वले ग्लुकोज कम गर्न मद्दत गर्ने पत्ता लगाएकी हुन् ।
-एजेन्सीको सहयोगमा
