प्रतिपक्षीको नाराबाजीकाबीच प्रदेशसभा बैठक सञ्चालन




धनगढी, असार २१
प्रतिपक्ष दलको नाराबाजीकाबीच पनि सुदूरपश्चिम प्रदेशसभाको आजको बैठक सञ्चालन भएको छ । सभामुखले बजेटसम्बन्धमा छलफल अगाडि बढाउनेबित्तिकै नेपाली कांग्रेसलगायत प्रतिपक्षी दलहरुले नाराबाजी गरेका थिए।

विरोध र बेल घेराउकैबीच सभामुखले आर्थिक मामिला मन्त्री झपटबहादुर बोहरालाई बजेटमाथिको दफावार छलफलका लागि प्रस्ताव पेश गरेका छन् । विरोधकाबीच पनि सभामुखले बैठक सञ्चालन गर्दै पेश गरिएको प्रस्ताव निर्णयार्थ पेश गरेका थिए ।

आजको बैठकमा सभामुखले सुदूरपश्चिम खेलकूदसम्बन्धी विधेयक २०७६, सुदूरपश्चिम प्रज्ञा प्रतिष्ठानका सम्बन्धमा व्यवस्था गर्न बनेको विधेयक २०७६ र स्थानीय तहका पदाधिकारीको सुविधासम्बन्धी ऐन २०७५ लाई संशोधन गर्न बनेको विधेयक प्रमाणीकरण भएको जानकारी गराएका थिए। प्रदेशसभाको अर्को बैठक २२ गते बोलाइएको छ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News