नेयमार कोरोमुक्त



पेरिस, भदौ २७ एजेन्सी

फ्रान्सेली च्याम्पियन पेरिस सेन्ट जर्मेन ९पिएसजी० का सुपर स्टार नेयमार कोरोना मुक्त भएका छन् । ब्राजिलियन स्टारलाई १० दिन अघि कोरोना संक्रमण देखिएको थियो ।

नेयमारले शुक्रबार आफु कोरनामुक्त भएको जनाएका छन् । ‘म अभ्यासमा फर्केको छु । एकदमै खुसी । कोरोना आउट,’ नेयमारले ट्विट गरेका छन् । सेप्टेम्बर २ मा नेयमारसँगै क्लका अन्य तीन खेलाडीको कोरोना संक्रमण देखिएको थियो । केहि दिन अघि अर्का सुपर स्टार केलियन एमबाप्पेलाई पनि संक्रमण देखिएको थियो ।

सन् २०१७ मा बार्सिलोनाबाट पिएसजीमा आबद्ध भएका नेयमारले टोलीका लागि ८५ खेलमा ७० गोल गर्नुका साथै ४१ एसिस्ट गरेका छन् । पिएसजी पुगेर उनले तीन वटा लिग वन, दुई वटा फ्रेन्च कप र दुई पटक फ्रेन्च लिग कप जितेका छन् ।

नेयमारको उच्च प्रदर्शनबाट प्रेरित पिएसजी गत सिजन च्याम्पियन्स लिगको फाइनलमा पुगेको थियो । क्लब इतिहासमै पहिलो पटक च्याम्पियन्स लिगको फाइनलमा पुगेको पिएसजी बायर्नसँग १–० ले पराजित भएको थियो ‌।

पिएसजीले फ्रान्सेली लिगको पहिलो खेलमा भने खराब सुरुवात गरेको छ । बिहीबार भएको पहिलो खेलमा स्टार खेलाडी बिना उत्रिएको पिएसजी पराजित भएको थियो । नवप्रवेशी लेन्सले पिएसजीलाई १–० ले पराजित गरेको थियो ।

 

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2020 Deshko News