भाेजपुर, कार्तिक ९

भोजपुरमा ९ वटा स्थानीय तह बनाउने प्रारम्भिक सहमती भएको छ । आयोगको पछिल्लो परिपत्र अनुसार जिल्लालाई ५ देखी ९ वटा सम्म स्थानीय तह बनाउन निर्देशन आएको र सोही निर्देशन अनुसार राजनितिक दलसहित सबै पक्षसँग प्रारम्भिक छलफल सम्पन्न गरिएको स्थानीय विकास अधिकारी भानुभक्त न्यौपानेले बताए ।

सिमाङ्कन लगायतको विषयमा थप छलफल गरी अन्तिम टुङ्गोमा पुग्ने न्यौपानेको भनाई छ । पुर्नसंरचनाको विषयमा जिल्लाका दलबिच ठुलो विवाद नभएको हुनाले आपसी सहमतीबाट टुङ्गोमा पुग्ने बताइएकाे छ।

९ वटा स्थानीय तह बनाउने विषयमा दलहरू सहमत रहेकाे छन् । यसअघि भोजपुरका राजनितक दलले १३ वटा स्थानीय तहको माग राख्दै आएका थिए ।

प्रकाशित मिति: ९ कार्तिक २०७३, मंगलबार