भोजपुर, कार्तिक २७
नेपाल निजामती कर्मचारी संगठन भोजपुरको १० औं जिल्ला अधिवेशनले रेवती प्रसाद पराजुलीको अध्यक्षतामा २१ सदस्यीय नयाँ कार्य समिती निर्विरोध चयन गरेको छ । जिल्ला विकास समितीको सामुदायिक भवनमा गएराती अबेर सम्पन्न बन्दसत्रले समितीको उपाध्यक्षमा मान ब. देवकोटा र अनिशा शर्मा, सचिवमा अनिल पोखरेल सह–सचिवमा चन्द्र प्रसाद ओझा र कोषाध्यक्षमा राम ब. दाहाल चयन भएका छन् ।

समितीले कर्मचारीको पेशागत हक हितका लागी सामुहिक आवाज उठाउने र जनमुखी सेवा प्रवाहमा दत्तचित भएर लाग्ने प्रतिबद्धता व्यक्त गरेका छन् । शुक्रबार नेकपा एमालेका केन्द्रिय सदस्य राजेन्द्र कुमार राईले अधिवेशनको उद्घाटन गरेका थिए । जिल्ला शिक्षा कार्यालयका शाखा अधिकृत रहेका पराजुली यस अघि पनि संगठनकाे अध्यक्ष थिए ।