पात्लेपानी धुँवारहित गाविस घाेषणा हुँदै

भाेजपुर, मंसिर १

सामुहिक अभियान भोजपुरले दक्षिणी पात्लेपानी गाबिसलाइ घरभित्रको धुवारहित गाबिस घोषणा गर्ने भएको छ । अभियानले यही मङ्सिर ९ गते पात्लेपानीलाइ घरभित्रको धुवारहित गाबिस घोषणा गर्ने भएको हो ।

सुधारिएको चुल्हो निमार्ण गरेर जिल्लालाइ घरभित्रको धुवारहित जिल्ला घोषणा गर्ने लक्ष्य अनुसार १७ आैं धुवारहित गाबिस घोषणा गर्न लागिएको अभियानका जिल्ला संयोजक मिलन भण्डारीले बताए ।

अभियानले आफ्नो चुलो निर्माण अभियानलाइ सहयोग गर्न सबै पक्षसंग आग्रह गरेको छ । घोषणा कार्यक्रममा सास्कृतिक कार्यक्रम सहित चेतनामुलक सडक नाटक समेत पस्तुत गरिने स्थानीय मैया कार्कीले जानकारी दिइन ।