ट्रम्पले खराब काम गर्न खोजेमा सतर्क गराउने -ओबामा
काठमाडौं, मंसिर ६
अमेरिकी राष्ट्रपति बराक ओबामाले नवनिर्वाचित राष्ट्रपति डोनाल्ड ट्रम्पले अमेरिकी मूल्य र मान्यतालाई चुनौति दिएमा आफूले त्यसविरुद्ध सचेत गराउने बताएका छन् ।
आफ्ना उत्तराधिकारीबारे अहिल्यै कुनै टिप्पणी नगर्ने भन्दै ओबामाले राष्ट्रपतिको कार्यकाल पूरा गरेर ह्वाइहाउसबाट बाहिरिएपछि भने ट्रम्पले खराब काम गर्न खोजेमा सतर्क गराउने बताएका हुन् ।
पेरुको राजधानी लिमामा पत्रकारहरुसँग राष्ट्रपति ओबामाले आफू ट्रम्पलाई सघाउने पक्षमै रहेको पनि प्रष्ट गरे ।
तर चित्त नबुझेका कतिपय विषयमा भने एक नागरिकका हैसियतले आवाज उठाइरहने उनले बताए ।
राष्ट्रपति कार्यालय र नवनिर्वाचित राष्ट्रपति ट्रम्पलाई अघि बढ्न पूर्ण सहयोग रहने भन्दै उनले तर अमेरिकी मूल्य र मान्यतामा कुठाराघात हुने अवस्था आए सचेत गराउँछु भने ।
ओबामा एशिया प्यासिफिक इकोनोमिक कोओपरेसन एपेकको सम्मेलनमा भाग लिन पेरु पुगेका हुन् ।
प्रकाशित मिति: ६ मंसिर २०७३, सोमबार
