फिफा उत्कृष्ट खेलाडीको मनोनयनमा मेस्सी, रोनाल्डो र ग्रिजम्यान
काठमाडौं, मंसिर १८
बार्सिलोनाका लिओनल मेस्सी, रियल मड्रिडका क्रिष्टियानो रोनाल्डो र एथ्लेटिको मड्रिड एज्टोनी ग्रिजम्यान फिफा उत्कृष्ट खेलाडीको मनोनयनमा परेका छन् ।
विजेताको घोषणा जनवरी ९ मा हुनेछ । फ्रान्स फुटबलको बालोन डि’ओरसँगको सम्वन्ध तोडेपछि फिफाले यो वर्षबाट फेरि उत्कृष्ट फिफा अवार्ड प्रदान गर्न लागेको हो ।
उत्कृष्ट प्रशिक्षकको अवार्डका लागि लिसेस्टर सिटीका क्लाउडिओ रानिएरी, पोर्चुगलका फर्नान्डो सान्तोष र रियल मड्रिडका जिनेदान जिदान छन् । र, अब फ्यानहरुले पनि भोटिङ गर्न सक्नेछन् । फिफामा आवद्ध देशका कप्तान र प्रशिक्षकको भोट ५० प्रतिशत हुनेछ ।
बाँकी समर्थक र विश्विभरका २०० खेल पत्रकारको मत हुनेछ ।
प्रकाशित मिति: १८ मंसिर २०७३, शनिबार
