फिल्म ‘गणपति’को ‘उनभित्र गुण’ गीत सार्वजनिक (भिडियाे)

काठमाडौं, भदौ १२ । अभिनेता मुकुन भुषाल र मेनुका प्रधान अभिनीत फिल्म (गणपति)को ‘उनभित्र गुण’ बोलको गीत सार्वजनिक भएको छ।

सोमबार ओएसआर डिजिटल युट्युब च्यानलमार्फत फिल्ममा समावेश उक्त गीत सार्वजनिक गरिएको हो। शंकर अधिकारी ‘घायल’ को शब्द रहेको गीतमा बाबुल गिरीको स्वर, संगीत तथा संगीत संयोजन छ।

सबिन अधिकारीले निर्देशन गरेको फिल्ममा मुकुन र मेनुकासँगै कविता न्यौपाने, सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, सुशील पोखरेल, देवेन्द्र बब्लुलगायत कलाकारको अभिनय छ।

उक्त गीतको भीडीयो तनहुँको बन्दीपुर गाउँपालिका थारुवासमा छायांकलन गरिएको हो । फिल्म ‘गणपति’ भदौ १४ गतेदेखि प्रदर्शन हुँदैछ।