भाेजपुर, मंसिर १९

राष्ट्रपति पुरस्कारबाट भोजपुरका ३ जना कृषक पुरस्कृत भएका छन् । जिल्ला कृषि विकास कार्यलय भोजपुरले जिल्लाका ३ जना कृषकलाई नगद र कदरपत्रले पुरस्कृत गरेकोे हो ।

पुरस्कृत हुनेमा सुन्तला खेतीतर्फ अन्नपुर्ण–८ का विष्णु अधिकारी, खावा–२ का चण्डल कुमार राई र अलैंची खेती तर्फ छिनामखु –२ का प्रमोद राईलाई साेमबार एक कार्यक्रमका बिच पुरस्कार वितरण गरिएको जिल्ला कृषि विकास कार्यलय भोजपुले जनाएको छ । कार्यक्रममा प्रमुख जिल्ला अधिकारी अर्जुन कुमार शर्माले कृषि निवार्हमुखी भन्दा पनि व्यवसायीक हुनुपर्ने बताउनुभयो ।

साथै ५० प्रतिशत अनुदानमा कार्यालयले जिल्लाका १० जना कृषकलाई मिनी टिलर समेत हस्तान्तरण गरेको छ ।