प्रधानमन्त्री र राष्ट्रपतिबीच छलफल हुदै
काठमाडौं, मंसिर २६
मुलुकको राजनितिक परिस्थिति र संसदमा जारी गतिरोध अन्त्य गर्नेबारे प्रधानमन्त्री पुष्पकमल दाहालले आज राष्ट्रपति विद्यादेवी भण्डारीसँग छलफल गर्दै छन ।
राष्ट्रपति भवन सितलनिवासमा हुने छलफलमा संसदमा संविधान संशोधन प्रस्ताव दर्ता भएसँगै अवरुद्ध संसद, राजनितिक दलहरुबीच पछिल्लो समय बढेको ध्रुवीकरण लगायतका विषयमा छलफल हुने जनाएको छ ।
असन्तुष्ट पक्षको माग सम्बोधनका लागि भन्दै सरकारले संशोधन प्रस्ताव संसद सचिवालयमा दर्ता गरेसँगै दलीय ध्रुवीकरण तीव्र भएपछि राष्ट्रपति भण्डारीले चासोआ राख्दै आएकी छिन ।
सहमतिका लागि दलहरुबीच भइरहेको छलफलबारे प्रधानमन्त्री दाहालले राष्ट्रपतिलाई जानकारी गराउने बताइएको छ।
प्रकाशित मिति: २६ मंसिर २०७३, आइतबार
