अलेप्पोमा जारी सैन्य कारवाही समाप्त



काठमाडौं, मंसिर २९

रुसले सिरियाको पूर्वी अलेप्पोमा लामो समयदेखि जारी सैन्य कारवाही समाप्त भएको घोषणा गरेको छ ।

संयुक्त राष्ट्रसंघका लागि रुसी राजदूत भिटाली चुर्किनले सिरियाका सरकारी सेनाले पूर्वी अलेप्पोमा आफ्नो नियन्त्रण कायम गरेको भन्दै त्यहाँ सैन्य कारवाही समाप्त भएको बताए ।

राष्ट्रसंघीय सुरक्षा परिषद बैठकमा उनले आईएस लडाकुलाई त्यहाँबाट हट्ने व्यवस्था मिलाइएको जानकारी दिए । चुर्किनले आईएस लडाकुले यस्तो सहमति निश्चित गरेको र उनीहरुसँगै सर्वसाधरणलाई पनि हट्न सुरक्षित मार्ग दिइने बताए ।

विकसित पछिल्लो घटना क्रमसंगै अलेप्पोमा चार वर्ष यता चलेको भिषण संघर्ष अन्त्य हुने संकेत देखिएको अन्तर्रा्ष्ट्रिय सञ्चारमाध्यमहरुले जनाएका छन् ।

यद्यपि, अधिकारवादीहरुले सर्वसाधारण र विपक्षीलाई उधृत गर्दै रुस र सिरियाली सेनाले त्यहाँ नरसंहार मच्चाएको आरोप लगाएका छन् । राष्ट्रसंघले नै रुस र सिरियाली सेनाले ८२ जना सर्वसाधारणको हत्या गरेको रिपोर्ट सार्वजनिक गरेको थियो ।

रुसले भने आरोपको खण्डन गर्दै आएको छ । सिरियाली संघर्षमा रुसले सरकारी सेनालाई हवाई आक्रमणबाट सघाइरहेको छ । लामो समयदेखि आईएसले पूर्वी अलेप्पो कब्जा जमाएर बसेका थिए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News