नेपाललाई दियो श्रीलंकाले २२८ रनको लक्ष्य
काठमाडौं, मंसिर ३०
उन्नाइस वर्षमुनिको एसिया कप क्रिकेटमा नेपाललाई श्रीलंकाले २२८ रनको लक्ष्य दिएको छ । पहिले ब्याटिङ गरेको श्रीलंकाले निर्धारित ५० ओभरमा २२७ रन बनाएको हो ।
श्रीलंकाका हसिथा बोयागोडाले सर्वाधिक ८३ रनको योगदान दिए । इनिङको पहिलो बलमै पहिलो विकेट गुमाएको श्रीलंकाका लागि रविन केली र बोयागोडाले दोस्रो विकेटका लागि ६८ रनको साझेदारी गर्दै इनिङ उकासेका थिए ।
नेपाल सन्दिप लामिछानेको कप्तानीमा खेलिरहेको छ । नेपाल रहेको समूह ‘ए’ मा आयोजक श्रीलंकासहित भारत र मलेसिया छन् । समूह ‘बी’ मा अफगानिस्तान, बंगलादेश, सिंगापुर र पाकिस्तान छन् ।
प्रकाशित मिति: ३० मंसिर २०७३, बिहिबार
