काठमाडाैं, पुस १

श्रीलंकामा जारी यु–१९ एसिया कपमा नेपाल भारतसँग ६ विकेटले पराजित भएको छ। टस जितेर ब्याटिङ रोजेको नेपालले १७३ रनको लक्ष्य दिएको थियो।

नेपालका लागि पवन सर्राफले तीन विकेट लिए भने सन्दिप लामिछानेले एक विकेट लिए। नेपालले ९ विकेट गुमाएर ५० ओभरको खेलमा प्रस्तुत गरेको लक्ष्य ४ विकेट गुमाउँदै भारतले भेटायो। लक्ष्य भेटाउन भारत ३३.२ ओभर खर्चिए।

नेपालका लागि रोहितकुमार पौडेलले सर्वाधिक ६८ रन बनाएका थिए। यस्तै, दिपेन्द्रसिंह ऐरी ३४, आशिफ शेख १८, प्रकाश केसी १३ रन जोड्न सफल भए। यसबाहेकका अन्य खेलाडीले भने दोहोरो रन जोड्न सकेनन्।

प्रकाशित मिति: १ पुस २०७३, शुक्रबार