विमान दुर्घटना ,१३ जनाको मृत्यु

काठमाडौं, पुस ३

इन्डोनेसियाली सैन्य विमान दुर्घटना हुँदा १३ जनाको मृत्यु भएको छ । हर्कुलस सी–१३०’ विमानमा चालक दलका तीन सदस्य र अन्य १० यात्रु गरी १३ जना सवार थिए ।

विमान आज सुदूरपूर्वी इलाकामा दुर्घटना भएको हो । सैन्य अधिकारीका अनुसार विमानमा १२ टन खाद्यान्नसमेत थियो ।

खराब मौसमका कारण सो विमान दुर्घटना भएको प्रारम्भिक अनुसन्धानबाट खुलेको छ ।

स्थानीय समय अनुसार बिहान ५ः३५ मा टिमिकाबाट उडेको विमान वामिनामा अवतरणको निर्धारित समयभन्दा ४ मिनेट अगाडि नै दुर्घटना भएको हो ।