पहिलो दलित महिला स्थानीय विकास अधिकारी सम्मानित



भोेजपुर, पुस १२
नेपाल कै पहिलो दलित महिला स्थानीय विकास अधिकारी सीता परियारलाई सम्मान गरिएको छ । नेपाल उत्पिडित जातिय मुक्ति समाज भोजपुरले आफ्नो २९ औ स्थापना दिवसको अवसरमा परियारलाई सम्मान गरेको हो ।

दलित समुदायको एक मात्र महिला स्थानीय विकास अधिकारी भएर दलितहरुको लागि उदाहरणिय पात्र भएकोले सम्मान गरिएको समाजले जनाएको छ । रुपकोट २ कास्कीमा जन्मिएकी परियार भोजपुरको ३२ औ स्थानीय विकास अधिकारी हुन्, भने जिल्ला कै पहिलो महिला स्थानीय विकास अधिकारी समेत हुन् ।

उनले यसअघि दोलखा जिल्लाको स्थानीय विकास अधिकारीको रुपमा काम गरि सकेकी छन् । उनि नेपालकै ६ औ महिला स्थानीय विकास अधिकारी पनि हुन् । सम्मान पश्चात वोल्दै परियारले सम्मानले आफुलाई अझ कार्य वोध भएको वताएकी छिन् ।

उनले आफ्नो कार्यकालमा जिल्लाको विकासका लागि मन वचन र कर्मले लाग्ने समेत वताएकी छन् । उनले भनिन् ‘यो सम्मानले मलाई काम गर्ने थप हौसला मिलेको छ, यो मेरो लागि पहिलो सम्मान पनि हो ।’

यसै कार्यक्रममा वोल्दै सांसद एंव पूर्व सूचना तथा मन्त्री शेरधन राईले संविधानमा दलित समुदायको लागि स्पष्ट व्यवस्था गरिएको वताएका थिए । सामाजमा दलित प्रति गरिने व्यवहारमा परिवर्तन आई सकेको समेत उनको भनाई थियो ।

नेपाल जातीय मुक्ति समाज भोजपुरका अध्यक्ष रविन शिवाले दलित समुदाय आफैमा कमजोर नभएको तर यस अघिको राज्य व्यवस्थाको कारण दलितहरुलाई कमजोर वनाएको वताएका थिए ।

उनले भने ‘ राज्यले नै हामीलाई कमजोर वनाएको थियो । तर अहिले संविधानले हाम्रो हक अधिकारको विषयमा केही व्यवस्था गरेको छ, त्यसको प्राप्तिको लागि सम्पुर्ण दलित समुदाय एक हुनु पर्छ ।’

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News